На 11 јануари 2026 година, во Хотел Сириус во Струмица, успешно се одржа меѓународниот Божиќен шаховски турнир, на кој настапија 106 шахисти. Турнирот по втор пат беше организиран од Шаховски клуб Цареви Кули и уште еднаш го потврди континуираниот развој и сериозниот пристап во организацијата на шаховски настани во градот.

Натпреварувањето се одвиваше во забрзан формат 10+5, по швајцарски систем, а турнирот беше ФИДЕ-рангиран. Во текот на целиот ден беа одиграни бројни квалитетни и неизвесни партии, со исклучително израмнета борба на самиот врв на табелата.

Турнирот свечено го отвори заменик-градоначалникот на Општина Струмица, Владимир Ристов, кој на учесниците им посака успех на шаховската табла и ја истакна поддршката на општината за ваквите спортски настани. Тој воедно пренесе поздрави и поддршка од градоначалникот Петар Јанков, нагласувајќи ја важноста на шахот како спорт што ги промовира позитивните вредности во заедницата.

Хотел „Сириус“ во континуитет го поддржува шахот во Струмица, обезбедувајќи услови на највисоко ниво за одржување на сите поголеми шаховски настани и турнири. Просторните и организациските услови овозможија турнирот да се одвива беспрекорно и согласно високите стандарди што ги бараат ваквите меѓународни натпреварувања.

За регуларноста и техничката реализација на турнирот беше задолжен Зоран Стојчевски, кој беше главен судија на турнирот и го координираше целиот технички процес, обезбедувајќи целосна турнирска опрема и непречено одвивање на натпреварувањето. Како судија на турнирот учествуваше и националниот судија Звонко Пецев, кој со своето искуство даде значаен придонес за коректното и професионално водење на партиите.

​

Резултати и пласман

Вкупен награден фонд: 75.000 денари

Наградени шахисти:

• 🥇 Андреј Вељаноски – пехар, златен медал и 18.000 денари

• 🥈 Филип Панчевски – сребрен медал и 12.000 денари

• 🥉 Никола Николовски – бронзен медал и 8.000 денари

• Тони Лазов – 6.000 денари

• Методи Стоинев – 5.000 денари

• Димитриос Ексизоглу – 4.000 денари

• Емил Ристески – 3.000 денари

• Гоце Ѓоргиев – 2.000 денари

• Илија Велков – 1.500 денари

• Александар Кралевски – 1.000 денари​
   

Специјални награди

• Најдобар шахист од Струмица: Димитар Глигоров – 3.000 денари

• Најдобар шахист до 2000 рејтинг: Димитар Симоновски – 2.500 денари

• Најдобар шахист до 1700 рејтинг: Лукијан Тенев – 2.000 денари

• Најдобар шахист над 65 години: Љубиша Андоновски – 2.000 денари

• Најдобар шахист до 18 години: Ефе Ибраимов – 2.000 денари

• Најдобар шахист од ШК „Цареви Кули“: Ацо Атанасов – 2.000 денари

• Најдобар шахист до 18 години од ШК „Цареви Кули“: Кристијан Стојков – 1.000 денари
  ​

Табела и комплетни резултати

Целосната табела, сите поединечни резултати и детални информации од турнирот се достапни на следниот линк:
👉 https://bit.ly/4pEK9Wo